بوعجيلة وبنت عمه جميلة

القصة سمحة وطويلة
يا حزاركم يا مزاركم ونور النبي ينور دياركم تقول القصة .
قالوا فيه شيخ اسمه صالح وعنده بنت اسمها جميله وفعلا كانت جميله بمعنى الكلمه وكانت معروفه فالفروسيه

والضرب بالبندقة لدرجة انه مافيش حد من رجال النجع غلبها في ركوب الخيل

والضرب بالبندقه
وكانت صاحبة عقل وحكمه لدرجه بوها كاين ياخذ في رايها فالكبيره والصغيره
وكانت غاليه عليها روحها وديما لبسها

🥿

سمح وعطورها

سماح وكانت وليه خبرها ماهو اقريب بكل .
وكان عندها ولد عمها اسمه بوعجيله بوه متوفي
وبوعجيله ساكن هو وامه في نجع خاله خليفه.
المهم بوعجيله هذا كان راقد ريح وفقير وكاين يرعا في رزق خاله
لكن كاين فارس وشهم وكريم ويحمل كل صفات الرجل لكن الله غالب مايل بيه الزمان
وكان مسكين غاوي في جميله اللي هي بنت عمه بس الله غالب ماكنش يقدر يقوللها لانه فقير وهي شيخه بنت شيخ

‍� وباته مايقبلش بوعجيله ولا يطيقه .
وقال لا والله مانقدر انقوللها اني غاوي فيك خايفها تهزا علي وتكسر بخاطري خليها ع الله وخلاص
المهم تمت العرب اتجي لبيت الشيخ صالح ويطلبوا في بنته جميله لكن للاسف ديما ايردو خايبين وماتوافقش عليهم لان جميله كان عندها شرط اتقول فيه .
اللي ياخذني لازم يغلبني في اركوب الخيل وضرب البندقه .
وفعلا اللي جوها كلهم جربو معاها لكن ردو مغلوبين.
وفي يوم من الايام جا طلبها شيخ صغير فالعمر شاب اسمه مسعود🧑 وكان مسعود معروف بالفرسنه والقو والشهامه ومايغلبه حد ... المهم جاهم وجاب معاه وجاها تتكون من عقال واشيوخ النواجع اللي اقريب منهم كلهم .
وجو للشيخ صالح وقالوله ياشيخ صالح نحنا طالبين بنت للشيخ مسعود انحرج الشيخ صالح وقاللهم سامحوني ضروري انشاور البنت ...
خش علي بنته وقاللها يابنتي هذا الشيخ مسعود جا يطلب فيك ونحنا كلنا نعرفو الشيخ مسعود شنو .. موافقه واللا لا .
قالتله ماانوافق عليه نين يغلبني في شرطي .
وجرب الشيخ مسعود اركوب الخيل والضرب بالبندقه ولاكن للاسف ماقدرش يغلب جميله .
انحرج الشيخ صالح

‍� وخاف وقال اكيدا بنتي تقعدي عانس

وماعاد نلقا من يزوجها ويستر عليها وهي ماعندها فالدنيا الا انا
جاها وقاللها ياابنيتي بالك اتغيري رايك وتوافقي واتريحي روحك واتريحيني .
قالتله ياباتي انا ماناخذ الا الراجل اللي يغلني ويقعد راجل وفارس صحيح بيش يستر علي ونعيش معاه متريحه .
المهم سمع ع القصه ولد سيدها بوعجيله قال هذي فرصتي بيش ناخذ جميله

غصبن عن عمي

‍�.
مشي لامه وقاللها ياامي عدي لخالي وقوليله قالك بوعجيله نبي حصان

وبندقه نمشي نعاند بيهن جميله ونجيبهن لك .
اشوي امه هزت عليه وقالتله ريح روحك شن جابك لجميل

ه هذيك شيخه وبنت شيخ وانت راعي راقد ريح ....
بوعجيله وجعه كلام امه ... وقاللها ياامي امشي لخالي وقوليه اللي نبيهن واللا راني نمشي نسرق الحصان

والبندقه ونمشي نخطف جميله

ونهرب بيها .
خافت امه من كلامه وقالتله حاضر .غير الله يربحك راك تفضحنا قدام العرب .
مشت امه لبيت خاله مالقاتش قاعد لاكن لقيت زوجته

‍� قالتلها قالك بوعجيله نبي احصان

وبندقه يومين ونردهن لكم .... ردت عليها وقالتلها بوعجيله غالي علينا واللي يبيها ياخذها هاكي بندقه وهذا الحصان

وقوليله هذين هديه من خالك وحلال عليك ليوم الدين .
.
جابتله امه الحصان

والبندقه وقالتله هاك يااوليدي وان شاء الله ربي يجيبها لك فيها خيره وربي يهلك اعداك ويجيرك الله من الظلام وضنا الحرام.
.
ثاني يوم خذا بوعجيله🧑 البندقه وركب علي احصانه ةتلثم ومشي شور نجع عمه صالح

‍�.
وقاللهم نبي جميله على سنة الله ورسوله قالوله حول اللثامه اللي على وجهك قاللهم مانحولها نين يا نغلب جميله يا تغلبني .
جاته جميله

وقالتله بهزوه ..

ماجابوها اللي قبلك تبي اتجيبها انت .
قاللها بإذن الله ماانروح الا بيك وهالنهار مايقعد الا نهاري .
.
المهم تعاندو وغلبها وطيحها من ع الحصان

وجا صبا في وسط عرب النجع وحول اللثامه من علي وجها وقالتلهم جميله وهي منحرجه هذا بو عجيله ولد سيدي وانا اموافقه عليه وكان هو فقير نغنيه ...
.
المهم الشيخ صالح

‍�قال كيف اندير توا هذا بوعجيله اللي مانقبله دار اشروط بنتي ووافقت عليه وانا مانبيهش كيف انديرله من راي ...
المهم فالليل الشيخ صالح

‍� كلم جماعته واجتمع بيهم وقاللهم شورو علي راني قريب ننكلب ...
صبا واحد من جماعته وقاله ساهله بنتك اطلبت مهرها وانت توا اطلب منه الدفع وكثر عليه بيش مايقدرش يجيبه لك ....
الشيخ صالح عجباته

الفكره ومن كثر حقده على بوعجيله عجزله الامور .
ثاني يوم كلم بوعجيله وقاله انا ماانوافق عليك نين اتجيب اللي انقولك عليها .
بوعجيله قاله تفضل انت فصل وانا نلبس .
.
قاله جيبلي..
200 ناقه حمره
10 من الخيل الخضر

واسروجهن من ذهب صافي
10 كيلو ذهب صافي
20 كيلو فضه
30 متر من الحرير وكل 10 متر من لون
20 طوبه مسك وعنبر .
.
تعجييييييييييز وظلم ...
.
لكن الشيخ صالح تفاجئ

من رد بوعجيله لما قاله حاضر اللي تبيها اتجيك
استغب وقال من وين يبي يجيهن وهو حتا حق عشي ماعنده
المهم مشي بو عجيله
ولع من النجع وهو يقول كيف انجيب اللي يبيها سيدي وكيف نفتك من هالحصله اللي احصلت فيها
بعد 3 ايام وهو يمشي فالخلا شاف قافله كبيره يحمو فيها 5 فرسان فيها اللي طلبها عمه كلها .
تما يلحق فيها من بعيد لبعيد نين ليل الليل .
جاهم فالليل وقعد يعيط ويقوللهم سيبو الرزق راني انقتلكم .
اشوي رد عليه صاحب القافله ( التاجر ) وقاله اذكر الله ياولد
والله الباين عليك ولد حلال وهالصرايك هذين ماهن لك من عند كلامك .
وحد الله وتعال خلينا نحكوا بالطيب والطرح وان شاء ماتمشي الا راضي .
المهم جاهم وقاللهم والله ماني غزاي ولاني ولد حرام امغير الله غالب .
المهم قعد معاهم وحكالهم القصه من البدايه للنهايه .
اشوي التاجر قاله شنو رايك انا نعطيك اللي تبيها وتاخذ بنت عمك لاكن بشرط اتردلي الابل والخيل والباقي حلال عليك .
رد بوعجيله وقاله حاظر
استغرب التاجر من رد بوعجيله وقاله كيف اتردهن لي وانت تبي تعطيهن لعمك ....
قاله بعد نشيلهن وناخذ بنت عمي بعد الفرح بااسبوع نطلع اندير روحي ماشي نصيد ونجي فالليل نغزي الابل والخيل وانجيبهن لك بيني وبينك موعد اسبوعين .
التاجر قاله موافق .
عطاه المطلوبات إللي يبيهن كلهن وقاله مربوحه وان شاء الله فيما يالاك .
بعد يومين جا لنجع عمه وجايب معاه المطلوب كله الشيخ

‍� استغرب وجميله

استغربت والعرب كلها اقعدت اتقول راقد الريج من وين جاب هالخبر إللي حتا الشيوخ مايقدرو عليه .
بوعجيله قاله هاك ياعمي هذين مطالبك وهذا شرطك درته لك وان شاء الله مااتهنا بيهن لانك ظلمتني ...ووخذا جميله وزفها لنجع خاله ...
وبعد الفرح بااسبوع كلم جميله وقاللها نبي نمشي نصيدلك الغزال وبالكثير اسبوع وانروح .
.
مشي غاب يومين فالخلا وبعدها في ليله جا غزا الابل والخيل

وخذاهن وشالهن لصاحبهن وقاله تفضل رزقك وجاك وبارك الله فيك والله يرحم والديك
التاجر فرح وقاله والله انك ولد حلال وانا وعدت اصحابي وقلتلهم كان الراجل جاب الابل

والخيل

كيف ماقال نعطيه هديه اشكارة ذهب .
عطاه هذك الذهب وروح بوعجيله لنجع فرحان .
وهو في طريقه تكا على نجع عمه صالح

‍� لقاه وجهه شين قاله كنك ياعمي ان شاء الله خير .
قاله وين الخير وانا الابل والخيل

اللي جبتهن لي خذاهن الغزي .
قاله افتكيت منهن ياعمي .

‍�.. تذكر لما جبتهن لك وقتلك الله لا يسامحك ولا يهنيك بيهن ....... وقعد يعاتب في عمه وقاله ياعمي انت ظالمني وكارهني وانا ماني دايرلك ومانبيلك الا كل خير وانا ولد خوك وماعندك حد غيري اللي صارلك كله من عملك في .
لكن يالله فالنهايه انت عمي واللي اديرها فيه انت حملها وانا ساكت .
انحرج الشيخ

‍� صالح من كلام بوعجيله وكبر في عينه

وقاله سامحني ولم عرب النجع وقاللهم اشهدو ياهلي .
راني قسمت رزقي بيني وبين ولد خوي
وانوصيكم ان كاني متت ما ياخذ الشوخه الا هو وراكم ماتلقوا حد كيفه وافرح بوعجيله

وافرحوا عرب النجع .
وانقلبت حياة بوعجيله من فقير وراعي الى خواجه وشيخ وتمت حياته اجعنها حياة كل صاحب.

مشت عليهم وخليتهم بودني اسمعتهم وبعيني ما ريتهم

جهد مميز ورائع
سلمت الايادي
على روعه الانتقاء

عبادى كتب:: جهد مميز ورائع
سلمت الايادي
على روعه الانتقاء

شكراً للمرور

» قصص جميلة جدا
» حياتنا جميلة
» جميلة هي ذكرياتهم ..
» ديكورات مطابخ جميلة ..
» دمج الصور بطريقة جميلة و عملية